Gobierno ome’ê y hoy’u haguã comunidad indígena ha rural Chaco paraguayo-pe

Omboguejy haguã y ñembyai umi área vulnerablevéva Chaco paraguayo-pe, Ministerio de Obras Públicas y Comunicaciones (MOPC) omotenonde ñeha’ã oñondivepa ome’êvo y potable comunidad indígena ha rural departamento Boquerón ha Presidente Hayes-pe. Ko distribución, omotenondéva camión cisterna, oipytyvõ miles de familias ko’ã tendáre.

Boquerón-pe, ko operativo oimehápe entrega 200.000 litro y municipalidad Filadelfia-pe, oservíva comunidad indígena 10 de Junio, Amistad, Jesubi ha Santo Domingo, orekóva en total 32 familia oñebeneficiáva. Municipio Mariscal Estigarribia-pe oñemboja’o 300.000 litro y umi comunidad indígena Laguna Negra, Primavera, comunidad 220, Santa Teresita, Campo Loa ha D17, oguahêva 67 familia-pe.

Pytyvõ Presidente Hayes-pe

Departamento Presidente Hayes-pe, ko programa rupive oipytyvõ avei comunidad indígena ha rural distrito Villa Hayes-gua. Pozo Colorado-pe, 60.000 litro y oñeme’ê 28 de octubre ohasávape, péva oipytyvõ 200 familia-pe. Upe távape voi, Comunidad Indígena Jerusalén ohupyty, 1 de octubre peve, en total 70.000 litro y, oipytyvõva 500 tapichápe. Comunidad Indígena Palo Blanco, oiméva distrito-pe voi, oñeme’ê 60.000 litro y, oipytyvõva 400 tapichápe.

Avei, Pozo Colorado-pe, oñeme’ê 20.000 litro y potable 50 familia Base Distrital ha ijerére, oaseguráva recurso oguahëva directamente cada hogar-pe.

Ko operación ha’e techapyrã oñeha’ãva mburuvichakuéra ogueru y potable ha oipytyvõ comunidad indígena ha rural Chaco paraguayo-pe, péicha monitoreo permanente oñemotenonde omoañetévo hetave operación de abastecimiento área crítica tetãme.

 Fecha: 4 de noviembre de 2024