![Logo de la [Institución Pública]](https://mopc.gov.py/uplmoo9eib8eefou3ooze4y/2024/02/MINISTERIO-DE-OBRAS-PUBLICAS-Curvas-01.png)
Ministerio de Obras Públicas y Comunicaciones (MOPC) he’i kuri ojejapopátama umi tembiapo oñemoporãve hag̃uaicha umi tape oikóva ypykuéra avarekoha Yakye Axa, Xakmok Kásek ha Sawhoyamaxa rehegua, opytáva tetãvore Presidente Hayes-pe, he’iháicha umi sentencia Corte Interamericana de Derechos Humanos (CIDH) rehegua.
Ko’ã tembiapo omoañete umi sentencia CIDH ary 2005 ha 2010 rehegua, ojeruréva oñeme’ẽ jey hag̃ua ijyvy ko’ã tapichápe, ha toñemohenda umi mba’e ojejapo vaíva ko’ã avarekohápe.
Yakye Axa ha Kelyenmagategma mbytépe, MOPC ojapopa peteĩ tape ipukúva 24 kilómetro. Avei oñemotuichave alteo de terraplén ha perfilado ndive, ha oñemoĩ avei alcantarilla. Upéicha, ojejapo peteĩ tajamar, ha oñemopu’ãta avei peteĩve. Avei, oñemopotĩ hína umi tenda oñemoĩtaha mbo’ehao, tasyo ha óga.
Avarekoha Sawhoyamaxa-pe katu MOPC omotenonde peteĩ tape pyahu ipukúva 3 kilómetro, omboajúvaoñondive aldea 16 de Agosto ha Riacho Negro. Avei, oñemoporãve tape ohóva opaichagua tava’ípe, ha oñemoĩ alcantarilla ikatu hag̃uaicha ojeiko porã oky jave.
Xakmok Kásek-pe katu ojejapopáma peteĩ tape orekóva 14 kilómetro, ombojoajúva pe avarekoha tape PY09 ndive. Ko tape oreko 84 alcantarilla ipukukuévo. Avei, oñemoporãve 15 kilómetro tape mbykýva, orekóva 6 línea alcantarilla tubular ha celular. Upéicha, oñemoporãve hína umi tenda.
Corte IDH mba’apohára kuéra oúta ohecha hag̃ua
Mokõiha quincena ko jasýpe, mba’apohára kuéra ha tekojojahára Rodrigo Mudrovitsch CIDH rehegua, oúta hikuái Paraguáipe oma’ẽ hag̃ua ko’ã tembiapo ojejapóva Yakye Axa y Xakmok Kásek 18 ha 19 septiembre-pe, oñemoañetépa umi tembiapo omotenondéva MOPC.
Fecha: 9 de septiembre de 2024