Unión del Puente Bioceánica oike etapa decisiva-pe

Oñepyrû rire carga losa paha ojoaju haguã mokõive extremo puente internacional Bioceánico, conexión definitiva Carmelo Peralta (Paraguay) ha Puerto Murtinho (Brasil), río Paraguay ári, oñemohu’ã ohóvo.

Ko’ã mba’épe, ministra de Obras Públicas y Comunicaciones, Ingeniera Claudia Centurión, omomba’e guasu “Ko fase paha oimehápe heta etapa oñemotenondéva gueteri ha oñemohu’ãta ára oúvape ombojoajúvo umi metro cúbico hembýva hormigón”. Oñemohu’ãvo conexión estructural, oñemotenondéta empedrado, acabado ha ambue obra complementaria oñeikotevêva apertura cruce internacional pyahu.

Centurión omomba’e guasu upe mba’épe, “ko’ãva ha’e proyecto omotenondétava Chaco paraguayo, ha ñane posicionátava iñambuetereíva región-pe, ha avei opermitíta peteî mba’e América Latina-pe añetehápe oreko tasa imbovyetereíva, ha’éva comercio intraregional”.

Ojehecháva vínculo estratégico Corredor Vial Bioceánico-pe, cruce internacional pyahu ombojoajúta puerto Atlántico brasileño umi terminal Pacífico chileno ndive yvy rupive, péva ruta ohasáva Brasil, Paraguay, Argentina ha Chile.

Ko estructura moderna ipukúta 1.294 metro, orekóva sección cable-pe 632 metros ha peteî palmo principal 350 metros. Diseño orekóva omantene navegabilidad río Paraguay ha oasegura pasaje seguro umi embarcación kakuaa.

Ko infraestructura ha desarrollo integral Corredor Vial Bioceánico, Paraguay hembipotápe oime oñemombarete centro logístico multimodal orekóva mayor capacidad comercio regional ha internacional, ogenera oportunidad pyahu región Chaco-pe guarã ha omombarete desarrollo económico tetãme.

Ára: 16 jasypoteĩ ary 2026-pe

 Fecha: 16 de julio de 2026